AGMK – “Neftchi” uchrashuvidan so‘ng mezbonlar ustozi Baxtiyor Ashurmatov quyidagicha fikr bildirdi:
- Bugun chempionatimizdagi eng muhim uchrashuvlardan birini o‘tkazdik. Lekin raqib – “Neftchi” jamoasi bizdan ko‘ra g‘alabaga chanqoqroq ekanini namoyish eta oldi. Farg‘onaliklar haqli ravishda g‘alabaga erishishdi. O‘yindan avval yigitlarga ta’kidlab o‘tgandim, “Neftchi” allaqachon o‘z o‘yinini topib ulgurdi va endigi o‘yinlarda ushbu jamoani osonlikcha mag‘lub etish imkonsiz. Shogirdlarimni o‘yinga yaxshi tayyorlantirishga harakat qildim. Lekin bugun omad bizga kulib boqmadi. Endi e’tiborimizni xatolar ustida ishlab, kelasi o‘yinlarga qaratamiz, - dedi mutaxassis.
