Bugun, 17 sentyabr kunio‘zbek futboli afsonasi, sobiq futbolchi ayni vaqtda “Bunyodkor”klubi bosh murabbiyi Mirjalol Qosimovning tug‘ilgan kuni. Mirjalol Qosimov bugun o‘zining 48 yoshini nishonlamoqda.
Ma’lumot uchun, Mirjalol Qosimov 3 karra O‘zbekiston chempioni, 4 karra O‘zbekiston kubogi sohibi, Rossiya chempioni, Rossiya chempionati kumush medali sohibi, Osiyo o‘yinlari g‘olibi, O‘smirlar o‘rtasidagi Jahon chempioni, O‘smirlar o‘rtasidagi Yevropa chempioni, O‘zbekiston chempionati to‘purari, O‘zbekistonning 4 karra eng yaxshi futbolchisi hisoblanadi.
Mirjalol Qosimov murabbiy sifatida 3 karra O‘zbekiston chempioni, 3 karra O‘zbekiston kubogi sohibi, 2 marta OCHL yarim finalchisi, 2012 yil O‘zbekistonning eng yaxshi murabbiyi bo‘lgan. O‘zbekistonda Xizmat ko‘rsatgan murabbiy, Shuhrat medali sohibi, O‘zbekiston iftixori, Fidokorona xizmatlari uchun ordenlari bilan taqdirlangan.
Stadion.uz internet nashri Mirjalol Qosimovni bugungi tavallud ayyomi bilan tabriklab, u kishiga uzoq umr, sihat-salomatlik tilab qoladi.
