O‘zbekiston kubogi o‘zining hal qiluvchi pallasiga kirdi.

Bugun — 19 sentyabr kuni yarim finalga yo‘l olgan barcha jamoalar nomi ma’lum bo‘ladi. 1/2 final uchrashuvlari 27-28 sentyabr kunlari bo‘lib o‘tishi ko‘zda tutilgan. 

Yarim final juftliklari “Sport” telekanali orqali jonli efirda namoyish etiladigan “Gol” ko‘rsatuvi vaqtida tashlanadigan qur’a orqali aniqlab olinadi. Ko‘rsatuv ertaga — 20 sentyabr kuni 19:40 da boshlanadi.  

Ta’kidlash joiz, O‘zbekiston kubogining 1/8 final uchrashuvlari qur’asi ham, 1/4 final qur’asi ham “Sport” telekanali orqali jonli efirda namoyish etilgan edi. Dastlab Mirjalol Qosimov, Murod Zuxurov hamda Aziz Turg‘unboyev qur’a marosimida ishtirok etgan bo‘lsa, chorak final juftliklarini Ravshan Haydarov aniqlab bergandi.