"Manchester Siti" himoyachisi Benjamen Mendi avtomobil boshqarish huquqidan bir yilga mahrum qilindi.

Polisiya "Mersedes" rulida kim bo‘lgani haqidagi ma’lumotni bermagani uchun 24 yoshli futbolchini sudga berdi. Ikki hafta davomida futbolchining avtomobili bilan bog‘liq to‘rt marta tezlikni oshirish holati qayd etilgan.

Mendi rulda o‘zi bo‘lmaganini aytdi ammo ma’lumotni taqdim qilmadi.

Fransuzning haydovchilik g‘uquqiga 24 ta jarima ball berildi - har bir qoida buzarlik uchun 6 balldan. Bundan tashqari futbolchi 2 500 funt jarima to‘laydi.

Avvalroq, shu oyda Fransiya termasining boshqa o‘yinchisi Ugo Lyoris mast holda avtomobil boshqargani uchun 20 oyga haydovchilik huquqidan mahrum qilingan edi.