"Манчестер Сити" ҳимоячиси Бенжамен Менди автомобиль бошқариш ҳуқуқидан бир йилга маҳрум қилинди.
Полиция "Мерседес" рулида ким бўлгани ҳақидаги маълумотни бермагани учун 24 ёшли футболчини судга берди. Икки ҳафта давомида футболчининг автомобили билан боғлиқ тўрт марта тезликни ошириш ҳолати қайд этилган.
Менди рулда ўзи бўлмаганини айтди аммо маълумотни тақдим қилмади.
Французнинг ҳайдовчилик ғуқуқига 24 та жарима балл берилди - ҳар бир қоида бузарлик учун 6 баллдан. Бундан ташқари футболчи 2 500 фунт жарима тўлайди.
Аввалроқ, шу ойда Франция термасининг бошқа ўйинчиси Уго Льорис маст ҳолда автомобиль бошқаргани учун 20 ойга ҳайдовчилик ҳуқуқидан маҳрум қилинган эди.
