"Real" yarimhimoyachisi Luka Modrich ispan soliq idorasi bilan kelishib oldi, deya xabar beradi El Mundo.

Xorvatiyalik futbolchi soliq to‘lamaganlik bo‘yicha aybini tan oldi. U 2013 yilda 290 ming yevro, 2014 yilda 580 ming yevro soliqni yashirgan. ndi ularni qaytarishga majbur.

Uni 8 oyga shartli qamoq jazosiga hukm qildilar va 350 ming yevro miqdorida jarima to‘laydi. U Lyuksemburgdagi kompaniya orqali pullarni olib chiqqan, kompaniya direktori esa - uning xotini bo‘lgan.

Modrich bu pullarning bir qismini qaytargan. Ta’kidlash joiz, Ispaniyada iqtisodiy jinoyatlar sababli ikki yilgacha hukm qilingan qamoq jazolari birinchi marta sodir etilganda shartli hisoblanadi.

Bunday muammoga Lionel Messi, Krishtianu Ronaldu va boshqa futbolchilar ham duch kelishgan.