Turinning “Yuventus” klubi bosh murabbiyi Massimiliano Allegri “Bolonya”ga qarshi uchrashuvi oldidan fikrlarini bildirib o‘tdi.
“Albatta, Krishtianu birinchi daqiqalardan maydonga tushadi. Ronaldu ajoyib jismoniy formada va har bitta o‘yinda maydonga tushishga tayyor.
Paulo Dibala ham asosiy tarkibda ko‘rinish beradi, u “Frozinone”ga qarshi uchrashuvda o‘zini ko‘rsata oldi. Qolaversa, Paulo jismoniy holatiga qaytib olishi uchun, ko‘proq o‘yin amaliyotiga ega bo‘lishi kerak.
Shuningdek, “Bolonya”ga qarshi o‘yinda darvozamizni Perin qo‘riqlaydi”, -deydi italiyalik mutaxassis.
Eslatib o‘tamiz, mazkur uchrashuv ertaga Toshkent vaqti bilan 00:00da boshlanadi.
