Туриннинг “Ювентус” клуби бош мураббийи Массимилиано Аллегри “Болонья”га қарши учрашуви олдидан фикрларини билдириб ўтди.

“Албатта, Криштиану биринчи дақиқалардан майдонга тушади. Роналду ажойиб жисмоний формада ва ҳар битта ўйинда майдонга тушишга тайёр.

Пауло Дибала ҳам асосий таркибда кўриниш беради, у “Фрозиноне”га қарши учрашувда ўзини кўрсата олди. Қолаверса, Пауло жисмоний ҳолатига қайтиб олиши учун, кўпроқ ўйин амалиётига эга бўлиши керак.

Шунингдек, “Болонья”га қарши ўйинда дарвозамизни Перин қўриқлайди”, -дейди италиялик мутахассис.  

Эслатиб ўтамиз, мазкур учрашув эртага Тошкент вақти билан 00:00да бошланади.