“Derbi Kaunti” bosh murabbiyi Frenk Lempard Angliya liga kubogida “Manchester Yunayted”ustidan qozonilgan g‘alabadan so‘ng o‘z fikrlarini bildirdi.

“Shokdaman!Qanday o‘yin bo‘ldi-a? “Old Trafford”da hisobda ortda bora turib, g‘alaba qozonish bu ajoyib. Penaltilar seriyasi va qanday o‘ynash bobida xarakter ko‘rsatdik. Jamoam bilan faxrlanaman.

Tarkib tanlash men uchun oson bo‘ldi. Yigitlar “Brentford” bilan yaxshi o‘yin ko‘rsatdilar va “Old Trafford”da ham shunday o‘ynash imkoniyatiga ega bo‘ldilar.

Men har bir o‘yinda oxirigacha kurashadigan jamoa shakllantirishni istayman. Juda ham xursandman. Jahon darajasidagi futbolchilar bilan mana shunday o‘ynash kerak edi!” –deydi Lempard Sky Sports’ga.