“Дерби Каунти” бош мураббийи Фрэнк Лэмпард Англия лига кубогида “Манчестер Юнайтед”устидан қозонилган ғалабадан сўнг ўз фикрларини билдирди.

“Шокдаман!Қандай ўйин бўлди-а? “Олд Траффорд”да ҳисобда ортда бора туриб, ғалаба қозониш бу ажойиб. Пенальтилар серияси ва қандай ўйнаш бобида характер кўрсатдик. Жамоам билан фахрланаман.

Таркиб танлаш мен учун осон бўлди. Йигитлар “Брентфорд” билан яхши ўйин кўрсатдилар ва “Олд Траффорд”да ҳам шундай ўйнаш имкониятига эга бўлдилар.

Мен ҳар бир ўйинда охиригача курашадиган жамоа шакллантиришни истайман. Жуда ҳам хурсандман. Жаҳон даражасидаги футболчилар билан мана шундай ўйнаш керак эди!” –дейди Лэмпард Sky Sports’га.