Angliya futbol assosiasiyasi (FA) "Uembli" stadionini sotish bo‘yicha "Fulhem" xo‘jayini bo‘lgan milliarder Shahid Xon bilan kelishib oldi.
Financial Times xabariga ko‘ra, arenaning kelajagi 27 sentyabr kuni aniq bo‘ladi. Shu kuni tashkilaotning 10 kishidan iborat direktorlar kengashi ovoz berish orqali stadion kelajagini hal qiladilar.
Agar stadionning yangi egasi o‘z oldidagi majburiyatlarini bajarmasa, assosiasiya stadionni qayta sotib olishi ham mumkin. Kelishuv summasi 667 mln yevroni tashkil qiladi.
"Uembli"dan ayni paytda "Tottenhem" klubi va Angliya terma jamoasi foydalanmoqda. Shuningdek, ichki kubok finallari ham shu stadionda o‘tadi.
