Англия футбол ассоциацияси (FA) "Уэмбли" стадионини сотиш бўйича "Фулҳэм" хўжайини бўлган миллиардер Шаҳид Хон билан келишиб олди.
Financial Times хабарига кўра, аренанинг келажаги 27 сентябрь куни аниқ бўлади. Шу куни ташкилаотнинг 10 кишидан иборат директорлар кенгаши овоз бериш орқали стадион келажагини ҳал қиладилар.
Агар стадионнинг янги эгаси ўз олдидаги мажбуриятларини бажармаса, ассоциация стадионни қайта сотиб олиши ҳам мумкин. Келишув суммаси 667 млн еврони ташкил қилади.
"Уэмбли"дан айни пайтда "Тоттенҳэм" клуби ва Англия терма жамоаси фойдаланмоқда. Шунингдек, ички кубок финаллари ҳам шу стадионда ўтади.
