Xabaringiz bor, 6-18 oktyabr kunlari Argentinaning Buenos-Ayres shahrida III yozgi o‘smirlar Olimpiya o‘yinlari bo‘lib o‘tadi. Ushbu nufuzli musobaqada O‘zbekiston sport delegasiyasi sharafini 16 sport turida 37 nafar sportchi himoya qiladi.
An’anaga ko‘ra, Milliy olimpiya qo‘mitasi ushbu nufuzli musobaqada O‘zbekiston bayroqdori bo‘ladigan sportchi nomini ma’lum qiladi. Unga ko‘ra, erkin kurashchimiz Muhammadrasul Rahimov musobaqaning tantanali ochilish marosimida O‘zbekiston bayroqdori vazifasini bajaradi.
Ma’lumot uchun, Muhammadrasul bungacha quyidagi natijalarni qayd etgan:
2017 yil: O‘smirlar o‘rtasidagi Osiyo chempionati kumush medal (Tailand)
2018 yil: O‘smirlar o‘rtasidagi Osiyo chempionati kumush medal (O‘zbekiston)
2018 yil: Yoshlar o‘rtasidagi Osiyo chempionati bronza medal (Hindiston)
Ta’kidlash lozimki, Olimpiya o‘yinlarida o‘z vatani bayroqori bo‘lish nafaqat sharaf, balki katta mas’uliyat hamdir.
Milliy olimpiya qo‘mitasi ushbu nufuzli musobaqada sportchilarimizga omad va yuksak g‘alabalarni tilaydi.
