Yaqinda «Real»ning uelslik futbolchisi Garet Beyl Daily Mail nashriga intervyu berdi. Suhbat chog‘ida u «Liverpul» darvozasini chalqancha usulda nishonga olgani, Krishtianu Ronalduning «Real»dan ketishi haqida gapirib o‘tdi.
KIYEVDA URGAN GOLI HAQIDA
- To‘pni tushirib, uni ishlab olishim ham mumkin edi. Lekin shunday holatda edimki, imkoniyatdan foydalanmasam bo‘lmasdi. Bunda vaziyatlarda yakun qanday bo‘lishi haqida o‘ylamaysiz. Agar tavakkal qilmasangiz, hech qachon natijaga erisholmaysiz. Bordi-yu o‘ylash uchun vaqt sarflasangiz, gol urolmasligingiz ham mumkin.
To‘pning qaysi nuqtaga borishini aniq bilgandim. Videoni ko‘rsangiz ham boshimni qayirib, to‘pning aynan qayerga uchayotganini kuzatganman. Yaxshi zarba chiqishini sezgandim. Maydonga qulashim ham yengil bo‘lgandi.
Hech qanday og‘riq sezmaganman. O‘sha vaziyatda hammayoq jim bo‘lib qoldi. Keyin stadion xuddi portlab ketgandek tuyuldi. Dastlab Marselo va Kroos men tomon yugurishdi. Keyin boshqalar ham keldi.
KIMNING GOLI CHIROYLI: BEYLNIKIMI YOKI KRISHTIANUNIKI?
- Buni men hal qilmayman.
SHU GOLNING UYEFA TOP-O‘NLIGIDAN JOY OLMAGANI HAQIDA
- Nima uchun ro‘yxatga kiritilmaganini bilmayman. Buni aniqlaydigan komissiyaga kimlar kirishini bilishni istardim. Keyin ularni haydab yuborardim.
YECHL FINALIDA ZAXIRA O‘YINCHISI BO‘LISH QANDAYLIGI HAQIDA
- To‘g‘risini aytsam, rosa jahlim chiqqandi. Albatta, asosiy tarkibga loyiq ekanimni his qilardim. Zaxiradan maydonga tushganimdan so‘ng gol urdim va jahlim ham tarqadi.
LORIS KARIUS BILAN SUHBAT HAQIDA
- Unga «Boshingni baland ko‘tar, xatolar hammada ham bo‘ladi», dedim. Ammo bunday xato YECHL finalida bo‘lgani uning omadi kelmaganidan darak.
YECHLDA QATORASIGA TO‘RTINCHI MARTA G‘ALABA QOZONISH HAQIDA
- Biz o‘z natijamizni yaxshilashimiz mumkin. Yangi maqsad sari intilishimiz kerak. Barchamiz bunga tayyormiz.
LOPETEGINI ZIDAN BILAN SOLISHTIRISHLARI HAQIDA
- Albatta, Lopetegining ingliz tilini bilishi menga yordam bermoqda. Murabbiy bilan ispanchada gaplashishim mumkin. Lekin muhim detallarni tushuntirishda qiynalaman. Ularning qay biri yaxshi ekani haqidagi savolga esa javob berishni xohlamayman.
KRISHTIANU RONALDUNING KETISHI HAQIDA
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
