Bugun, 27 sentyabr kuni birlashgan Arab Amirliklarining Abu-Dabi shahrida futbol bo‘yicha Osiyo Kubogi – 2019 musobaqasiga bag‘ishlangan seminarining 2-kuni nihoyasiga yetdi.
Kun davomida yig‘ilish ishtirokchilari bir qator masalalarni muhokama qildilar. Milliy terma jamoalarning shifokorlariga bog‘liq masalalar ko‘rib chiqilib, ularning BAAning issiq iqlimiga tezroq moslashishlari yuzasidan bir qator tavsiyalar berildi.
Shuningdek, doping futbolchilar uchun tuzilgan taomnomalar, matbuotga aloqador bo‘lgan press konferensiyalar hamda mikst zonalarni tashkil etish, mashg‘ulotlar o‘tkazish tartiblari hamda ushbu mashg‘ulotlarning jurnalistlar uchun 15 daqiqasi ochiq bo‘lishi, chipta masalalari, marketing masalalari muhokama qilindi. Shu bilan yig‘ilishning seminar qismi yakunlandi.
Ertadan boshlab terma jamoalarning vakillari o‘yinlar o‘tkaziladigan shaharlarga borib u yerdagi shart-sharoitlar, jamoalar uchun yaratilayotgan qulayliklar, stadion hamda mehmonxonalarni o‘rganib chiqadilar.
