Myunxenning “Bavariya” klubi bosh murabbiyi Niko Kovach “Gerta”ga qarshi o‘yindan so‘ng fikrlarini bildirib o‘tdi.
“Juda ko‘p imkoniyatlarni qo‘ldan boy berdik va raqib jamoaga ikkita gol urishga qo‘yib berdik. Xatolarga yo‘l qo‘ydik va shunga yarasha jazoyimizni oldik. Jarima maydonchasi ichida bunday o‘ynamaslik kerak.
Bu uchrashuvni munosib tarzda o‘tkazdik deb o‘ylayman lekin, natija yaxshi emas. Agar bir nechta imkoniyatlarimizdan foydalana olganimizda o‘yinga umuman boshqacha izoh berib o‘tirgan bulardik.
Ikkita o‘yinda bir ochko muammo emas. Bu bizning ilk mag‘lubiyatimiz bo‘ldi. Joriy mavsumni mag‘lubiyatsiz o‘tkazmoqchi edik. Buni barcha odamlar taxmin qilgandi. Kim bizni bilsa, osonlikcha yengilmasligimizni biladi”, - deydi Kovach.
