Turinning “Yuventus” klubining bosh direktori lavozimida faoliyat yuritib kelgan Marotta ketishi haqida ma’lumot berdi va o‘z murojaatini qoldirdi. Bu haqda “Yuventus”ning tvitterdagi sahifasi xabar berdi.
“Bu men uchun unutib bo‘lmaydigan 8 yil bo‘ldi, “Yuventus” butun umr mening yuragimda qoladi. Men aynan bugun ketishim haqida e’lon qilishim lozim, chunki dushanba kuni klub direktorlik uchun nomzodlarni e’lon qiladi va mening familiyam u yerda bo‘lmaydi. Klub mening ketishim haqida boshqa fikrlarni o‘ylab topmasidan avval o‘zim xabar berdim.
Mening shartnomam 25 oktyabr kuni yakuniga yetadi va uzaytirilmaydi. Mening Italiya futbol federasiyasi prezidentligiga nomzodim qo‘yilishini keskin rad qilaman. Bu meni qiziqtiradigan darajadagi tajriba emas”, - deydi Marotta.
