Туриннинг “Ювентус” клубининг бош директори лавозимида фаолият юритиб келган Маротта кетиши ҳақида маълумот берди ва ўз мурожаатини қолдирди. Бу ҳақда “Ювентус”нинг твиттердаги саҳифаси хабар берди.
“Бу мен учун унутиб бўлмайдиган 8 йил бўлди, “Ювентус” бутун умр менинг юрагимда қолади. Мен айнан бугун кетишим ҳақида эълон қилишим лозим, чунки душанба куни клуб директорлик учун номзодларни эълон қилади ва менинг фамилиям у ерда бўлмайди. Клуб менинг кетишим ҳақида бошқа фикрларни ўйлаб топмасидан аввал ўзим хабар бердим.
Менинг шартномам 25 октябрь куни якунига етади ва узайтирилмайди. Менинг Италия футбол федерацияси президентлигига номзодим қўйилишини кескин рад қиламан. Бу мени қизиқтирадиган даражадаги тажриба эмас”, - дейди Маротта.
