O‘zbekiston futbol assosiasiyasi tomonidan 5 ta yosh toifasidagi futbolchilar o‘rtasidagi O‘zbekiston chempionati tashkil etilgani haqida xabar bergan edik. Ushbu musobaqaning ikkinchi bosqich yarim final va final bahslari bo‘lib o‘tdi.

2002 yilda tug‘ilgan futbolchilar ishtirok etayotgan musobaqaning yarim final o‘yinlarida quyidagi natijalar qayd etildi:

 Navoiy – Toshkent shahri 0:2

Qashqadaryo – Buxoro 3:2

Final o‘yini bugun, 30 sentyabr kuni O‘zbekiston futbol assosiasiyasi maydonida bo‘lib o‘tdi. Murosasiz o‘tgan final baxsida Qashqadaryo viloyati xamda Toshkent shahri jamoalari ishtirok etishdi.  Gollarga boy bo‘lgan o‘yinda Qashqadaryo jamoasi kuchli raqibi ustidan 5:1 hisobida g‘alaba qozondi.

Shunday qilib, Qashqadaryo viloyati jamoasi oltin medalga, Toshkent shahri jamoasi kumush hamda Navoiy va Buxoro jamoalari bronza medallarga ega chiqishdi. Final o‘yini nihoyasiga yetgach, g‘oliblarni taqdirlash marosimi bo‘lib o‘tdi.

Eslatib o‘tamiz, musobaqaning keyingi bosqichlari, 2003 yilda tug‘ilgan bolalar o‘rtasida 20-25 oktyabr, 2004 yilda tug‘ilgan bolalar o‘rtasida 8-13 oktyabr, 2005 yilda tug‘ilgan bolalar o‘rtasida esa 5-10 noyabr kunlari bo‘lib o‘tadi.