Londonning “Chelsi” klubi yaqin vaqt ichida yangi sardor tayinlashi mumkin. Bu haqda “ko‘klar” bosh murabbiyi Maurisio Sarri xabar berdi. Eslatib o‘tamiz, hozirda jamoa sardori zahirada o‘tirgan Gari Kexill hisoblanadi.
“Men bu qarorni matbuotga e’lon qilishdan avval jamoa bilan maslahatlashishim kerak. Ehtimol kelgusi hafta sardorlik masalasini hal qilarmiz”, deydi Sarri.
Ta’kidlash joizki, sardor Sezar Aspilikueta yoki Eden Azar bo‘lishi kutilmoqda.