"Manchester Siti" bosh murabbiyi Xosep Gvardiola YECHL guruh bosqichining 2-turida "Xoffenxaym"ga qarshi o‘yin oldidan matbuot savollariga javob berdi.
Jurnalistlar "PSJ" hujumchisi Kilian Mbappening manchesterliklar safiga o‘tishi bilan qiziqishdi.
"Bu aniq bo‘lmaydi. Bunday xabarlar qayerdan olinadi, ba’zan bilmay qolaman. "Siti" "PSJ" to‘layotgan pullarni to‘lay olmaydi.
Parijliklar ham uni sotmoqchi emaslar. Mbappe bu yerga kelmaydi, biz ham uni Starling yoki boshqa kimgadir almashtirmoqchi emasmiz. Odamlar hurmat ko‘rsatishlari kerak", - deydi Gvardiola.
"Manchester Siti" bugun, 2 oktyabr kuni "Xoffenxaym" bilan o‘ynaydi, boshlanish vaqti 21:55.
Transfermarkt Mbappening transferini 150 mln yevroga baholagan.
