"Tottenhem" bosh murabbiyi Maurisio Pochettino YECHL guruh bosqichining 2-turida "Barselona"ga qarshi o‘yin oldidan fikrlari bilan o‘rtoqlashdi.

"Bu muammoni yechish uchun bosh qotirmayman, chunki Messini to‘xtatib bo‘lmaydi. Aksincha, futbolchilarimga "Messiga qarshi o‘yindan zavq olinglar" deyman, chunki ular dunyo futboli tarixidagi eng yaxshi futbolchilardan biriga qarshi o‘ynaydilar.

Bunday voqealar xursand iqlishi kerak, qo‘rqitishi emas. Bunday o‘yinlardan so‘ng futbolchi "men Messiga qarshi o‘ynadim", "men Maradonaga qarshi o‘ynalim" yoki "men Ronalduga qarshi o‘ynadim" deyishi kerak.

Leo - top futbolchi, u bilan uchrashganingdan so‘ng farzand va nevaralaringga hikoya qilib berasan. Bolalarim ba’zan: "O‘hu, Maradona bilan o‘ynaganmisiz" deyishadi. Ular bundan faxrlanadilar", - deydi Pochettino.

"Tottenhem" – "Barselona" uchrashuvi ertaga, 3 oktyabr kuni bo‘lib o‘tadi.