Stadion.uz Bugun O‘zbekiston Respublikasi Jismoniy tarbiya va sport vaziri Dilmurod Nabiyev Milliy olimpiya qo‘mitasi prezidenti Umid Ahmadjonovga “Jismoniy tarbiya va sport a’lochisi” ko‘krak nishonini topshirgani haqida xabar bergan edi.
Sport a’lochisiga aylangan MOQ prezidenti Umid Ahmadjonov Jamiyatda Jismoniy tarbiya va sportning ahamiyatini kuchaytirish haqida so‘z olib, muvaffaqiyatlarga erishish uchun nima qilish kerakligini aytdi.
“Biz o‘z yo‘nalishimizda hamjihatlik bilan ish olib borib ko‘plab muvaffaqiyatlarga erishamiz. Oldinda bizni katta chaqiriqlar va islohotlar kutib turibdi.
Jamiyatda Jismoniy tarbiya va sportning ahamiyatini kuchaytirish, aholining turli qatlamlari orasida sog‘lom turmush tarzini targ‘ib etishda davom etish, buning uchun zarur bo‘lgan sharoitlar yaratish, mashhur sportchilar safini kengaytirish va yangi nomlarni kashf etish shular jumlasidandir”, dedi Umid Ahmadjonov.
