Argentinalik murabbiy Ektor Kuper O‘zbekiston terma jamoasini tark etmaydi. Stadion.uz manbasining qilishicha, murabbiyga boshqa klublardan hech qanday taklif bo‘lmagan va u O‘zbekistondagi faoliyatini davom ettiradi.
Ektor Kuper terma jamoa bilan 3+1 yillik shartnoma imzolagan. Kuper MTJ bilan Osiyo kubogi va Jahon chempionati saralashida ishtirok etadi.
Ma’lumot uchun, O‘FA milliy terma jamoa bu safargi Jahon chempionati saralashida har qanday natijadan qat’i nazar faqatgina bitta murabbiy bilan qatnashishini ma’lum qilgan edi.
Ta’kidlash joizki, kecha, 1 oktyabr kuni ijtimoiy saytlarda Ektor Kuper Ispaniyaning “UYEska” klubiga ketishi haqidagi gap-so‘zlar tarqalgan edi. Bu gap-so‘zlarga Ispaniyaning “Marca” nashrining “Ueska” bosh murabbiyi Leo Franko o‘rnini Ektor Kuper tez kunda egallashi haqida tarqatgan xabari sabab bo‘ldi.
