Аргентиналик мураббий Эктор Купер Ўзбекистон терма жамоасини тарк этмайди. Stadion.uz манбасининг қилишича, мураббийга бошқа клублардан ҳеч қандай таклиф бўлмаган ва у Ўзбекистондаги фаолиятини давом эттиради.
Эктор Купер терма жамоа билан 3+1 йиллик шартнома имзолаган. Купер МТЖ билан Осиё кубоги ва Жаҳон чемпионати саралашида иштирок этади.
Маълумот учун, ЎФА миллий терма жамоа бу сафарги Жаҳон чемпионати саралашида ҳар қандай натижадан қатъи назар фақатгина битта мураббий билан қатнашишини маълум қилган эди.
Таъкидлаш жоизки, кеча, 1 октябрь куни ижтимоий сайтларда Эктор Купер Испаниянинг “Уеска” клубига кетиши ҳақидаги гап-сўзлар тарқалган эди. Бу гап-сўзларга Испаниянинг “Marca” нашрининг “Уэска” бош мураббийи Лео Франко ўрнини Эктор Купер тез кунда эгаллаши ҳақида тарқатган хабари сабаб бўлди.
