Osiyo futbol konfederasiyasi prezidenti Shayx Salmon bin Ibrohim al-Xalifa 26 sentyabr kuni Toshkentda o‘tgan ijroqo‘m yig‘ilishi munosabati bilan O‘FA 1-vise-prezidenti Umid Ahmadjonovga minnatdorchilik bildirib o‘tdi.
"O‘zbekiston futbol assosiasiyasi 1-vise Prezidenti janob Umid Ahmadjonovga!
Osiyo futbol konfederasiyasi hamda o‘z nomimdan 26 sentyabr kuni Toshkentda bo‘lib o‘tgan tarixiy OFK ijroqo‘mining yig‘ilishi vaqtida ijroqo‘m a’zolariga ko‘rsatilgan samimiy mehmondo‘stlik, ularga yaratilgan shart-sharoitlar uchun tashakkur izhor qilaman.
Osiyo futboli rahbariyati birinchi marta Toshkent shahrida mehmon bo‘ldi. Tadbir davomida xalqingizning bizga bo‘lgan iliq munosabati bizni hayratga soldi. Safar davomida O‘zbekiston hukumati hamda Siz tomoningizdan futbolga berilayotgan e’tiborning guvohiga aylandik.
Sizga yana bir bora minnatdorchilik izhor qilgan holda, keyingi oyda Kuala-Lumpurda bo‘lib o‘tadigan OFK kongrescida Sizni sabrsizlik bilan kutib qolamiz.
Barcha samimiy tilaklar ila,
Shayx Salmon bin Ibrohim al Xalifa", - deyiladi minnatdorchilik maktubida.
