Xabaringiz bor, joriy yilning aprel oyida O‘zbekiston Professional futbol ligasi rahbariyati Madrid shahridagi La Liga qarorgohida bo‘lib, tashkilot rahbariyati bilan uchrashgan va uchrashuv davomida ikki tomonlama hamkorlik bo‘yicha kelishuvga erishilgandi. 

Shuningdek, o‘sha uchrashuvda La liga rahbariyati o‘zbek futboli rivojiga hissa qo‘shishga, mutaxassislarni O‘zbekistonga yuborib, turli seminarlar tashkil qilish va tajribalari bilan o‘rtoqlashishga, jamoalar o‘rtasida o‘rtoqlik o‘yinlari tashkil etishga tayyor ekanini ma’lum qilgandi.    Ushbu kelishuvga asosan, joriy yilning 13 oktyabr kuni Ispaniya Primerosida ishtirok etayotgan “Eybar” klubining U-15 jamoasi yurtimizga tashrif buyuradi. 14 oktyabr kuni Azamat Abduraimov boshchiligidagi O‘zbekiston o‘smirlar terma jamoasi Toshkentda “Eybar” klubining U-15 jamoasiga qarshi o‘rtoqlik uchrashuvi o‘tkazadi.   Mazkur o‘rtoqlik o‘yini O‘zbekiston o‘smirlar terma jamoasi uchun tajriba to‘plab, jamoani shakllantirishga katta yordam berishi shubhasiz.