O‘zbekiston futbol assosiasiyasi tomonidan har bir viloyatdagi futbol murabbiylarining kasbiy mahorati sinovdan o‘tkazilayotgani haqida xabar bergan edik.   Jami 1500 nafardan ortiq murabbiylardan imtihonlar olingan bo‘lsa, shulardan 400ga yaqin murabbiylarga ikki oy sinov muddati berilgandi. Belgilangan reja asosida, ikki oylik muddatdan so‘ng ulardan qaytadan imtihon olish jarayoni boshlandi.   Jumladan, Qarshi shahrida futbol murabbiylar bilimlari qaytadan sinovdan o‘tkazilayotgani ma’lum qilingandi. Ana shunday imtihonlar Jizzax viloyatidagi futbol murabbiylari o‘rtasida ham o‘tkazilmoqda.    Imtihon davomida murabbiylarning mashg‘ulotlar olib borishga qanday tayyorgarlik ko‘rganliklari, konspekt yozish, maydonni mashg‘ulotga tayyorlash, mashg‘ulot davomida bolalarga ko‘rsatmalar berib borish usullari, murabbiyning mashg‘ulot davomida o‘zini tutishi, futbolchilarning mashg‘ulotdagi xatolarini aniqlash, ko‘rsatib borish va o‘sha xatolarni to‘g‘irlash borasida amalga oshiradigan xatti-harakatlari tekshirildi. Shuningdek, murabbiylarning mashg‘ulot paytida bolalarni nazorat qilib borish uchun pozisiya tanlashdagi bilim va ko‘nikmalari hamda mashg‘ulot davomidagi faolligi ko‘zdan kechiriladi.   Imtihondan o‘ta olmagan murabbiylar lisenziyadan mahrum qilinadi.