O‘zbekiston futbol assosiasiyasi tomonidan 5 ta yosh toifasidagi futbolchilar o‘rtasidagi O‘zbekiston chempionati o‘tkazilayotganidan futbol ixlosmandlarining xabarlari bor. O‘FA maydonida o‘tkazilayotgan musobaqaning 3-tur bahslari bo‘lib o‘tdi. Murosasiz o‘tgan bahslar yakuniga yetgach, chorak finalchilar nomi ma’lum bo‘ldi. Quyida so‘nggi tur natijalari bilan tanishishingiz mumkin:   Andijon – Samarqand 2:3 Navoiy – Toshkent shahri 0:4 Sirdaryo – Buxoro 1:0 Qashqadaryo – Farg‘ona 3:2   Chorak final juftliklari quyidagicha ko‘rinish oldi:   Samarqand – Buxoro Sirdaryo – Andijon Toshkent shahri – Qashqadaryo Namangan – Toshkent viloyati   Eslatib o‘tamiz, 3-bosqichda 2004 yilda tug‘ilgan futbolchilar ishtirok etishmoqda.   Musobaqa o‘yinlarini bir qator jamoalardan tashrif buyurgan murabbiylar, xususan O‘zbekiston o‘smirlar terma jamoasi bosh murabbiyi Azamat Abduraimov kuzatib bormoqda. Musobaqada muvaffaqiyatli ishtirok etib, o‘zini ijobiy tomondan namoyish eta olgan futbolchilarni o‘smirlar terma jamoasiga chaqirish rejalashtirilgan.   Musobaqaning keyingi bosqichlari, 2003 yilda tug‘ilgan bolalar o‘rtasida 20-25 oktyabr, 2005 yilda tug‘ilgan bolalar o‘rtasida esa 5-10 noyabr kunlari bo‘lib o‘tadi.