O‘zbekiston Pro-ligasi 29-turidan o‘rin olgan “Istiqlol” va “Surxon” uchrashuvi nihoyasiga yetdi. Uchrashuvdan so‘ng mezbonlar futbolchisi Umid Qodirov o‘yin haqidagi fikrlarini bildirdi.
“Uchrashuv yaxshi o‘tdi, o‘zimizga kerakli natijani qo‘lga kiritdik. Bu uchrashuvda g‘alaba qozonishimiz shart edi. Sababi raqib jamoa bilan ochkolarimiz teng edi. Biz ohirigacha harakat qildik va uddaladik.
Bizning jamoada hammasi a’lo darajada. Maoshlar ham o‘z vaqtida berilyapti. Men yangi jamoga osonlikcha ko‘nikib ketdi. Sababi jamoadagi ko‘p futbolchilar bilan avvaldan tanishman. Jamoaga ko‘nikib ketishimga ular ham katta yordam berdi.
Futbolchilar maydonda qanday inoq ko‘rinayotgan bo‘lsa, maydon tashqarisida ham xuddi shunday. Biz bir oilamiz”, deydi Umid Qodirov saytimizga bergan maxsus intervyusida.
