Ўзбекистон Про-лигаси 29-туридан ўрин олган “Истиқлол” ва “Сурхон” учрашуви ниҳоясига етди. Учрашувдан сўнг мезбонлар футболчиси Умид Қодиров ўйин ҳақидаги фикрларини билдирди.

“Учрашув яхши ўтди, ўзимизга керакли натижани қўлга киритдик. Бу учрашувда ғалаба қозонишимиз шарт эди. Сабаби рақиб жамоа билан очколаримиз тенг эди. Биз оҳиригача ҳаракат қилдик ва уддаладик.

Бизнинг жамоада ҳаммаси аъло даражада. Маошлар ҳам ўз вақтида бериляпти. Мен янги жамога осонликча кўникиб кетди. Сабаби жамоадаги кўп футболчилар билан аввалдан танишман. Жамоага кўникиб кетишимга улар ҳам катта ёрдам берди.

Футболчилар майдонда қандай иноқ кўринаётган бўлса, майдон ташқарисида ҳам худди шундай. Биз бир оиламиз”, дейди Умид Қодиров сайтимизга берган махсус интервьюсида.