6 oktyabr kuni Indoneziyaning Jakarta shahrida III yozgi Paraosiyo o‘yinlari start olgan edi.

Mazkur o‘yinlar o‘zbekistonlik sportchilar uchun har qachongidan ham muvaffaqiyatli yakunlandi.

O‘zbekiston sport delegasiyasi musobaqada 54 nafar sportchi bilan ishtirok etib, 77 ta medal bilan qaytadigan bo‘ldi.

Ularning 35 tasi oltin, 24 tasi kumush va 18 tasi bronza medallaridir. Mazkur o‘yinlar O‘zbekiston uchun Paraosiyo o‘yinlaridagi eng yaxshisi sifatida tarixga kirdi.

Chunki, bungacha yurtdoshlarimiz ushbu o‘yinlarda bu qadar ko‘p medallar jamg‘ara olishmagan. Ortda qolayotgan o‘yinlarda medallar sifati bo‘yicha ham, soni bo‘yicha ham rekord o‘rnatildi.

Endilikda o‘zbekistonlik sportchilarning Toshkentga qachon qaytib kelishi haqida ham ma’lumot berildi. Unga ko‘ra, sportchilar joylashgan samolyot 15 oktyabr kuni soat 20:20 da Toshkentga qo‘nadi.