FIFA tomonidan Tailand poytaxti Bangkok shahrida hakamlarni tayyorlash instruktorlari uchun seminar o‘tkazilmoqda.
Seminarda yurtimizdan O‘zbekiston futbol assosiasiyasi Hakamlar va nazoratchilar boshqarmasi boshlig‘i Ma’mur Saidqosimov, shuningdek, Vladislab Seytlin, Yuliya Tarasova va Shuhrat Po‘latov qatnashishmoqda. Bundan tashqari, yana bir hamyurtimiz Farhod Abdullayev seminarni olib boruvchi mutaxassislar safida ekanini ham alohida ta’kidlash zarur.
Seminarda hakamlarni tayyorlash instruktorlari uchun yangi qo‘llanmalar bilan tanishtirilib, uchrashuvlarga hakamlarni jismoniy tayyorlash va bunda ahamiyat qaratish zarur bo‘lgan chora-tadbirlar haqida so‘z yuritilmoqda.
Seminar 14 oktyabrga qadar davom etadi.
