"Navbahor" bosh murabbiyi Andrey Kanchelskis RPL futbolchilari bilan bog‘liq so‘nggi voqealarga munosabatini bildirdi.

"Ko‘rinib turibdiki, ular boshi bilan emas, boshqa joyi bilan o‘ylaydilar. Ularda hammasi yaxshi va go‘zal. Balki avval ularning omadi kelgandir - birinchi, ikkinchi, uchinchi marta, ammo rejimni muntazam buzsang, baribir seni tutishadi. Ayniqsa, Tigiyev bilan bog‘liq vaziyat yoqimsiz.

Buni albatta aniqlash kerak, u qanday giyohvand modda, organizmga qanday tushib qoldi? Balki kimdir unga shu yaxshi dori vositasini taklif qilgan va u klub shifokori bilan maslahatlashmay buni qabul qilgandir. Nima bo‘lganda ham bu Rossiya sporti uchun yaxshi emas. Dping muammolari yodimizda, u bilan kurashyapmiz, "Spartak" futbolchisi esa bunday katta qoidabuzarlik qilib turibdi. Yaxshisiga umid qilamiz. Balki bu qandaydir anglishmovchilikdir.

JCH-2018dan so‘ng stadionlarga tashriflar ko‘payib qolgan edi, hatto FNL o‘yinlarida ham anshlag yig‘ildi. Ammo avval Kokorin va Mamayev ishi, endi esa "Krilya Sovetov" futbolchilari bilan bu ishlar... Agar shu yo‘isnda davom etsa, jahon chempionatidan qolgan me’ros qadrsizlanadi va halq bizdan yuz o‘giradi", - deya Kanchelskisning so‘zlarini keltiradi "Izvestiya".