Milliy terma jamoalar uchun FIFA kunlari yakunlandi, endi Superligi o‘yinlarini davom ettirish mumkin. Navbatdagi tur bahslari 19-20 oktyabr sanalariga belgalangan bo‘lib, Bekobodning “Metallurg” jamoasi bu turni o‘z uyida – “Bunyodkor” jamoasiga qarshi o‘tkazadi.

Futbolchilar Qibraydagi o‘quv-mashg‘ulot maskanida har kuni ikki mahaldan mashg‘ulotlar olib borishayapti. O‘z navbatida murabbiylar shtabi o‘yin amaliyotiga ham e’tibor qaratmoqda. Jumladan, AGMK yoshlar tarkibi va O‘zbekiston OTJ bilan nazorat uchrashuvlari o‘tkazildi. Futbolchilarning kayfiyati yomon emas. Faqat bitta muammo bu turda Pavel Smolyachenko sariq kartochkalar bois jamoamizga yordam bera olmadi.

Shuningdek, jamoa to‘purari Zohid Abdullayev ham “Navbahor” bilan uchrashuvdan keyin jarohat bois to‘laqonli mashg‘ulotlar olib bormadi. Jamoa shifokorlari lazaterdagi barcha o‘yinchilarni tezroq safga qaytarish chorasini ko‘rishyapti. O‘z navbatida yoshlar tarkibininng bir qator o‘yinchilari asosiy tarkib bilan mashg‘ulot olib borayotganligini ham e’tirof etish lozim.