Миллий терма жамоалар учун ФИФА кунлари якунланди, энди Суперлиги ўйинларини давом эттириш мумкин. Навбатдаги тур баҳслари 19-20 октябрь саналарига белгаланган бўлиб, Бекободнинг “Металлург” жамоаси бу турни ўз уйида – “Бунёдкор” жамоасига қарши ўтказади.
Футболчилар Қибрайдаги ўқув-машғулот масканида ҳар куни икки маҳалдан машғулотлар олиб боришаяпти. Ўз навбатида мураббийлар штаби ўйин амалиётига ҳам эътибор қаратмоқда. Жумладан, АГМК ёшлар таркиби ва Ўзбекистон ОТЖ билан назорат учрашувлари ўтказилди. Футболчиларнинг кайфияти ёмон эмас. Фақат битта муаммо бу турда Павел Смоляченко сариқ карточкалар боис жамоамизга ёрдам бера олмади.
Шунингдек, жамоа тўпурари Зоҳид Абдуллаев ҳам “Навбаҳор” билан учрашувдан кейин жароҳат боис тўлақонли машғулотлар олиб бормади. Жамоа шифокорлари лазатердаги барча ўйинчиларни тезроқ сафга қайтариш чорасини кўришяпти. Ўз навбатида ёшлар таркибининнг бир қатор ўйинчилари асосий таркиб билан машғулот олиб бораётганлигини ҳам эътироф этиш лозим.
