Turinning “Yuventus” klubi himoyachisi Aleks Sandro tez orada jamoasini almashtirishi mumkin.

Tuttosport nashrining xabariga ko‘ra, braziliyalik futbolchi “keksa sinyora” bilan yangi shartnoma borasida kelisholmayapti. Shu munosabat bilan “Yuventus” Sandroning o‘rniga o‘rinbosar qidirmoqda.

Ma’lumotlarga qaraganda, “Yuve”ning short-listida  Ispaniya chempionatida to‘p surayotgan futbolchilar bor. Lekin, asosiy nomzod hali ham “Real” himoyachisi Marselo bo‘lib turibdi.

Yana bir nomzod sifatida “Barselona” himoyachisi Xordi Alba ko‘rilmoqda. Uning “anorranglilar” bilan tuzgan shartnomasi 2020 yilda tugaydi.