Pepsi Superliga 26-turida “So‘g‘diyona” o‘z maydonida “Qo‘qon-1912” ni qabul qildi va 1:0 hisobida g‘alaba qozondi. O‘yindan so‘ng “So‘g‘diyona” jamoasi bosh murabbiyi Sergey Lushchan o‘yin borasida o‘z fikrlarini bildirdi.
“Yaxshi o‘yin bo‘ldi. Shogirdlarimning o‘yinidan qoniqdim. Afsuski ko‘plab vaziyatlardan foydalana olmadik. Bahs davomida ko‘plab vaziyatlarni yaratib bor atiga bitta gol kiritdik. Bunday uchrashuvlarda mahorat o‘z so‘zini aytadi.
Raqiblardagol urish uchun ko‘plab imkoniyatlar bo‘ldi. Baxtimizga ularning zarbalari darvoza ustuniga tegdi. Yakunda g‘alaba qozondik va bundan xursandmiz.
Yaratilayotgan qo‘lay vaziyatlarni golga aylantirish ustida mashg‘ulotlar davomida ko‘proq ishlaymiz”, deydi Sergey Lushchan.
