O‘zbekiston Respublikasi Vazirlar Mahkamasining 2018 yil 2 iyundagi “Sport turlari bo‘yicha ixtisoslashtirilgan davlat maktab internatlari faoliyatini takomillashtirish to‘g‘risida”gi 410-sonli Qarori hamda O‘zbekiston futbol assosiasiyasining 2018 yil 3 avgustdagi “Hududiy bolalar va o‘smirlar futbol akademiyalariga qabul qilish bo‘yicha” 128-i/ch sonli buyrug‘ining ijrosini ta’minlash maqsadida respublikamizning barcha hududlarida tashkil etigan akademiyalarga qabul jarayoni bo‘lib o‘tgani haqida avval xabar berib o‘tgandik. 

Ayni paytda barcha hududiy bolalar va o‘smirlar akademiyalarida ta’lim jarayoni davom etmoqda.

Jumladan, Samarqand bolalar va o‘smirlar futbol akademiyasiga har bir yosh toifasidan 22 tadan umumiy 154 nafar o‘quvchi qabul qilingan bo‘lib, hozirda ular faol ravishda mashg‘ulotlar olib borishmoqda. 

Bugun mazkur akademiyaga "Dinamo-Plyus" futbol jamoasi a’zolari tashrif buyurishdi. Ular yosh futbolchilar bilan birgalikda mashg‘ulot jarayonida ishtirok etishdi.