“Metallurg” – “Bunyodkor” uchrashuvidan so‘ng mezbonlar ustozi Andrey Shipilov quyidagicha fikr bildirib o‘tdi:
- Uchrashuvni yaxshi o‘tkaza oldik, deya olaman. Birinchi bo‘limda u qadar ishonchli harakat qila olamagan bo‘lsak ham, ikkinchi bo‘limda o‘zimizga kela oldik va bir qator xavfli hujumlar tashkil qilishning uddasidan chiqdik.
FIFA kunlari sabab yuzaga kelgan tanaffusdan so‘ng biroz o‘yin ritmiga kirishib olishimiz qiyin kechdi. Lekin shunday bo‘lsa-da g‘alabaga mos o‘yin ko‘rsatdik va haqli ravishda g‘alaba qozona oldik, - dedi murabbiy.
