"Interfutbol" gazetasi tahririyatiga muxlisdan kelgan ushbu sher havola qilindi.

Muxlislar qalbida bahor kezadi,

G‘am-anduh qal’asin shodlik buzadi,

Shoir ham misraga so‘zlar tizadi,

Qachonki, futbolda halollik bo‘lsa.

        Tepaga aylanmas tog‘ kabi bardosh,

        Hakamlar sha’niga otilmagay tosh,

        Chollar ham bir nafas bo‘lib qolar yosh,

        Qachonki, futbolda halollik bo‘lsa.

Huvillab yotmasdi ko‘rkam o‘yingoh,

Tushmasdi maydonga shifokor-jarroh,

Ayamas karamin hattoki, Olloh,

Qachongi, futbolda halollik bo‘lsa.

        Do‘stlar diydori bilmagay hijron,

        Chiptalar bahosi o‘psa ham osmon,

        Nolimas cho‘ntakda yaltiroq hamyon,

        Qachonki, futbolda halollik bo‘lsa,

Yuksalish yo‘lida shaxdam yurilar,

O‘yin husniga ziynat berilar,

Yutuqlar gashtidan ko‘krak kerilar,

Qachonki, futbolda halollik bo‘lsa.

        Mundial bahsida javlon urardik,

        Yulduzlar safida mangu turardik,

        Goh, tilla kubokni ko‘zga surardik,

        Qachonki, futbolda halollik bo‘lsa.

Bahrom SIDDIQOV, Jizzax shahri.