O‘FA birinchi-vise prezidenti Umid Ahmadjonov O‘FA "JAKO" kompaniyasi bilan 3 yillik shartnoma imzolaganini e’lon qilar ekan, nima sababdan ushbu kompaniya bilan hamkorlik qilishga qaror qilinganini aytib o‘tdi:
“JAKO" jahonga mashhur kompaniyalardan biri hisoblanadi. Ushbu kompaniya endilikda turli yoshdagi terma jamoalarimiz uchun boshdan-oyoq ekipirovkalar yetkazib beradi. E’tiborli tomoni, milliy terma jamoamiz uchun bu kompaniya ekipirovkalarni tekinga yetkazib beradi. Ekipirovkalar 96 xil narsadan iborat. Buning ichida turli mavsum liboslari, oyoq kiyimlar va boshqa aksessuarlar bor.
Tez orada "JAKO" do‘konlarini ham O‘zbekistonda ochish rejalashtirilgan. Muxlislar terma jamoa liboslarini xarid qilish imkoniyatiga ega bo‘lishadi. Milliy terma jamoamizga yangi murabbiy olib keldik, yangi kompaniya bilan hamkorlikni boshlayapmiz. Umid qilib qolamizki, mazkur kelishuvimiz samarali bo‘lib, terma jamoalarimiz xalqaro maydonlarda muvaffaqiyatlarga erishishadi", - dedi Umid Ahmadjonov.
