Bugun Ruanda poytaxti Kigali shahrida FIFAning navbatdagi kengash yig‘ilishi bo‘lib o‘tadi. Unda UYEFA a’zolari demarsh uyushtirishmoqchi.

Ushbu yig‘ilishda klublar o‘rtasidagi jahon chempionatini kengaytish masalasini ovozga qo‘yadigan bo‘lsa, Aleksander Cheferin boshchiligidagi Yevropa futbol assosiasiyalari a’zolari zalni darhol tark etishadi.

Janni Infantino musobaqani isloh qilish uchun «emosional shantaj» uslubini qo‘llayotgani UYEFA a’zolariga yoqmayapti. Bundan tashqari, FIFA taqvimga kiritiladigan o‘zgarishlar haqida aniq ma’lumotlarni oshkor etmayapti va buni tomonlar bilan maslahatlashmayapti.

Avvalroq, UYEFA klublar o‘rtasidagi jahon chempionatining kengayishiga qarshi bo‘layotgani haqida xabarlar tarqalgandi. UYEFA esa bu turnir Yevropa Chempionlar ligasiga raqobatchi musobaqaga aylanishi mumkinligidan xavotirga tushmoqda.