FIFA prezidenti Janni Infantino bayonot berib, La liganing 21-turi doirasidagi «Jirona» – «Barselona» o‘yinining Ispaniyadan tashqarida o‘tkazilishiga qarshi chiqishini ta’kidladi.

Avvalroq La Liga prezidenti Xavyer Tebas mazkur uchrashuv 90 foizga AQSHda bo‘lib o‘tishi haqida ma’lumot berib o‘tgandi.

«Men bunga qarshi chiqaman va «Barselona» – «Jirona» bahsi Mayamida o‘tkazilishiga ruxsat bermayman. FIFA kengashi bu masalani ko‘rib chiqdi va milliy chempionat doirasidagi rasmiy o‘yinlar o‘z mamlakatida o‘tkazilishi kerak, degan qarorga keldi», – dedi Infantino.