«Barselona» klubi va Argentina terma jamoasi hujumchisi Lionel Messi xayriya ishlarini davom ettirmoqda. U o‘z jamg‘armasi orqali Mozambikdagi boshlang‘ich maktablarning 15 ming nafar o‘g‘il bola va qizlarga nonushta taqdim qilmoqda.

Mazkur dasturning maqsadi — ijtimoiy oshxonalar ochish orqali mamlakatdagi ochlikni kamaytirish, o‘quvchilarning hayot tarzi va bilimini yaxshilash. Mozambikda maktab o‘quvchilarining yarmidan ko‘pini ochlik muammoasi qiynab keladi. Messi jamg‘armasi dasturi o‘z samarasini bera boshladi. O‘quvchilarning vazni orta boshladi.

Bundan tashqari, dastur ijtimoiy himoya va ta’lim sifatini oshirish ustida ham ishlaydi. Mahalliy tibbiy markazlar, o‘qituvchilar va oilalar bilan hamkorlikdagi olib borilgan ish natijasida Mozambikning Mangundze viloyatidagi maktablarda ta’lim sifati yaxshilangan.