Final uchrashuvidan so‘ng AGMK jamoasi bosh murabbiyi – Baxtiyor Ashurmatov hamda finalning eng yaxshi futbolchisi Yovan Jokich matbuot anjumanida o‘z fikrlarini bildirib o‘tishdi:
- Bugungi bahsda bizni qo‘llab-quvvatlab turgan barcha vodiylik muxlislarga katta rahmat aytaman. Bugun kutganimdek juda ko‘pchilik AGMKni qo‘llab-quvvatladi. Yigitlarga o‘yindan oldin o‘z o‘yinlarini namoyish etishsa, albatta g‘alaba qozonishimizni ta’kidlagan edim. Shukr, ular o‘zlarining eng yaxshi o‘yinlarini ko‘rsata olishdi. Jamoamiz muxlislari, rahbarlari va futbolchilarimizni g‘alaba bilan tabriklayman. Futbolchilarim bilan faxrlanaman, - dedi murabbiy.
- Bugun bizni qo‘llab-quvvatlagan barchaga tashakkur! G‘alaba qozonganimizdan juda ham xursandman. Qo‘ldan kelgancha yaxshi o‘yin ko‘rsatishga urindik. Endi milliy chempionatda ham shunday muvaffaqiyatli odimlashimiz lozim bo‘ladi,- dedi Jokich.
