Italiya A seriyasining 10-turi doirasida markaziy o‘yin Rimdagi "Olimpiko" stadionida bo‘lib o‘tdi. "Lasio" o‘z maydonida "Inter"ni qabul qilib, yirik hisobda imkoniyatni boy berib qo‘ydi.

Milanliklar o‘yinni faol boshlagan bo‘lsalar-da, himoyada ehtiyotkorlik bilan harakat qilishdi. Uchrashuvning 28-daqiqasida Perishich-Vesino-Ikardi kombinasiyasidan keyin  Mauro hisobni ochishga muvaffaq bo‘ldi. Jamoalar tanaffusga chiqib ketishdan oldin Brozovich hisobdagi farqni oshirdi.

Ikkinchi bo‘limda "Lasio" vaziyatni o‘nglashga harakat qildi. Ammo "neradzurri" uchinchi golni urib, o‘yinga nuqta qo‘ydi. Bu safar Ikardi Valero tomonidan yetkazilgan uzatmani golga aylantirdi.

Ushbu g‘alabadan keyin "Inter" o‘z ochkolarini 22taga yetkazib, jadvalda 2-o‘ringa ko‘tarilib olgan bo‘lsa, "Lasio" 18 ochko bilan 4-o‘rinda qoldi

Italiya chempionati-2018/19, 10-tur
Lasio – Inter 0:3 (0:2, 0:1)
Gollar: 0:1 – 28 Ikardi, 0:2 – 41 Brozovich, 0:3 – 70 Ikardi.
Lasio – Strakosha, Luis Felipe, Acherbi, Radu (Bashtush, 78), Badel (Kataldi, 34), Marushich, Lulich, Parolo, Milinkovich-Savich, Kaysedo (Korrea, 69), Immobile.
Inter – Xandanovich, Vrsalko, Shkrinyar, Miranda, Asamoa, Vesino (Galyardini, 87), Brozovich, Joau Mariu (Valero, 57), Politano (Keyta Balde, 88), Ikardi, Perishich.
Ogohlantirishlar: Brozovich (18), Asamoa (26), Immobile (31), Vrsalko (48), Radu (48), Kataldi (71).