Италия А сериясининг 10-тури доирасида марказий ўйин Римдаги "Олимпико" стадионида бўлиб ўтди. "Лацио" ўз майдонида "Интер"ни қабул қилиб, йирик ҳисобда имкониятни бой бериб қўйди.

Миланликлар ўйинни фаол бошлаган бўлсалар-да, ҳимояда эҳтиёткорлик билан ҳаракат қилишди. Учрашувнинг 28-дақиқасида Перишич-Весино-Икарди комбинациясидан кейин  Мауро ҳисобни очишга муваффақ бўлди. Жамоалар танаффусга чиқиб кетишдан олдин Брозович ҳисобдаги фарқни оширди.

Иккинчи бўлимда "Лацио" вазиятни ўнглашга ҳаракат қилди. Аммо "нерадзурри" учинчи голни уриб, ўйинга нуқта қўйди. Бу сафар Икарди Валеро томонидан етказилган узатмани голга айлантирди.

Ушбу ғалабадан кейин "Интер" ўз очколарини 22тага етказиб, жадвалда 2-ўринга кўтарилиб олган бўлса, "Лацио" 18 очко билан 4-ўринда қолди

Италия чемпионати-2018/19, 10-тур
Лацио – Интер 0:3 (0:2, 0:1)
Голлар: 0:1 – 28 Икарди, 0:2 – 41 Брозович, 0:3 – 70 Икарди.
Лацио – Стракоша, Луис Фелипе, Ачерби, Раду (Баштуш, 78), Бадель (Катальди, 34), Марушич, Лулич, Пароло, Милинкович-Савич, Кайседо (Корреа, 69), Иммобиле.
Интер – Ханданович, Врсалько, Шкриньяр, Миранда, Асамоа, Весино (Гальярдини, 87), Брозович, Жоау Мариу (Валеро, 57), Политано (Кейта Бальде, 88), Икарди, Перишич.
Огоҳлантиришлар: Брозович (18), Асамоа (26), Иммобиле (31), Врсалько (48), Раду (48), Катальди (71).