Agar siz kecha Angliya chempionatidan o‘rin olgan “Tottenxem” va “Manchester Siti” bahsini ko‘rgan bo‘lsangiz, albatta siz “Uembli”ning daxshatli holatini sezgansiz.

Sababi kecha u yerda “Tottenxem” va “Siti” o‘yinidan aval amerikancha futbol bo‘lib o‘tgan.

Ma’lumot uchun, har mavsum NFL Londonda bir nechta o‘yinlarini o‘tkazadi. Kecha “Uembli” o‘yingohi “Filadelfiya” va “Jeksonvill” jamolariga mezbonlik qilgandi. Maydonni aynan ular shu holatga keltirgan.

Bu voqeada NFL ayblab bo‘lmaydi. “Tottenxem”ning yangi stadionining ochilishining uzaytirilishi bunga asosiy sabab bo‘la oladi. Yangi stadion mavsum boshida ochilishi rejalashtirilgan edi. Kechagi o‘yin aynan “shporlar”ning yangi stadionida bo‘lishi kerak edi. Ammo stadionning ochilish sanasi hamon surilgandan surilib bormoqda.

NFL o‘yining vaqtini ko‘chirish mumkin emasdi. Sababi “Filadelfiya” va “Jeksonvillya” o‘yini chiptalari may oyidayoq sotuvga chiqarilgandi.

Natijada, Pochettiono va Gvardiola jamoalari maydon markazida NFL logotipi tushirilgan stadionda o‘ynashdi.