La liga prezidenti Xavyer Tebas fikricha, "PSJ" klubi moliyaviy feyr-pley qoidalarini buzgan va YECHLdan chetlatilishi kerak.

"Real" ham, "Barselona" ham mendan "PSJ"ni ayblashni so‘ramaganlar. Bu Neymarning transferi bilan ham bog‘liq emas. Bizning fikrimizcha, "PSJ" kabi klublar Yevropadagi professional futbolning barqarorligiga zarar yetkazadi.

"Manchester Siti" haqida ham shunday deyish mumkin. Umuman olganda moliyaviy feyr-pleyni buzgan har qanday klub haqida ham. Bu transfer bozorida inflyasiyani yuzaga keltirdi, shuning uchun boshqa klublar bunday "klub-davlat"larga qarshi raqobat qilish uchun ko‘proq pul sarflashlariga to‘g‘ri kelmoqda.

Hammasi UYEFA standartiga mos bo‘lishi kerak. Agar qoidalar klublarni chetlatish kerak deb bilsa - chetlatish kerak. Agar klubga transfer taqiqi qo‘yilsa - transfer to‘xtatilishi kerak. Bu intizom chorasi bo‘lishi kerak UYEFA bunday qarorlarni chiqarishi kerak. Mening fikrimcha, hammani aldagan klub yevrokuboklarda qatnashmasligi kerak", - deydi Tebas.